كيف تبحث عن وظيفة ؟

مقدمة

ماتبقاش زى بعض الشباب اللى متلخبط ومش عارف هو عايز يشتغل اية هو عايز يشتغل اى شغل وخلاص ولا عايز وظيفة محددة اذا كنت عايز وظيفة معينة اسال نفسك هو سوق العمل بيتطلب اية فى الوظيفة دى توصيف الوظيفة ده سهل تعرفه لو كتبت فى جوجل او سألت عن job description لوظيفة معينة، و هيطلعلك نتايج كتير هتعرف منها الادوار والمهام الوظيفة اللى فى الوظيفة اللى بتدور عليها .

ده مش كفاية، إنت محتاج تسأل ناس اشتغلوا فى الوظيفة دى، وكمان محتاج تتابع مواقع التوظيف وتشوف فيها الشركات بتوصف الوظيفة اللى عاوز تشتغل فيها ازاى؟ ايه المهام المطلوبة؟ خطوة التدوير فى مواقع التوظيف والمعارض عن توصيف الوظايف ميزتها إنها بتديك انطباع عملى جداً عن واقع الوظايف دى، خطوة التدوير والبحث فى الادوار والمهام للوظيفة اللى بتحلم بيها، بالتفصيل، هى خطوة متقلش أهمية عن خطوة فهم نفسك، طبعا ده غير إن ببحثك ده هتعرف هى الوظيفة دى مطلوبة قد ايه بالمقارنة بباقى الوظايف.. بعد كدة عليك انك تحدد قدراتك وامكانياتك وخبراتك وتقارنها مع احتياجات الشركات فاذا وجدت نقص بين امكانياتك وقدراتك وبين احتياجات الشركات فلابد ان تعمل على رفع قدراتك وامكانياتك من خلال اخد دورات وكورسات تناسب طموحك وتناسب المجال اللى ممكن انك تبدع فية وتناسب ايضا احتياجات الشركات بعد ماتؤهل نفسك لمتطلبات سوق العمل ابدء فى البحث عن الوظيفة من خلال :

1-      اسال فى محيطك الاسرى ومعارفك عن وظائف معينة انت اهلت نفسك لها ودا من اهم الطرق فى الحصول على الوظائف

2-      جهز السى فى بتاعك وابدء فى  مراسلة الشركات على الايميل او عن طريق ارسال فاكسات للشركة او عن طريق التسجيل فى خانة الوظائف على موقع الشركة الالكترونى

3-      سجل فى مواقع التوظيف المشهورة زى بيت . كوم ولا تنسى انك تحدث السى فى بتاعك من فترة لاخرى لاضافة مهارات جديدة او خبرات ودورات جديدة

4-      ابحث فى اعلانات الوظائف في الصحف لأنه بيتم الاعلان عن وظائف كتيرة بالطريقة دي

5-      احضر معارض وفعاليات التوظيف اللى بتتعمل كل فترة وخد معاك عدد كافى من النسخ لسيرتك الذاتية

6-      احضر كل المقابلات الشخصية اللي الشركات تطلبها منك حتى لو مش واثق انك جاهز… مع كل مقابلة هتكتسب خبرة هتفيدك في المستقبل.

7-  تابع المعدل اللي انت بتطور فيه من نفسك… كل فترة اسأل نفسك هل فيه تحسن ولا تأخر وهتعمل ايه عشان تحسن من موقفك.

8-  اشترك فى جروبات التوظيف المنتشرة على الفيس بوك ومنتديات التنمية البشرية والتوظيف وسجل فيها سيرتك الذاتية

9-  سجل بيناتك فى مكاتب القوى العاملة المنتشرة فى جميع انحاء الجمهورية وعليك بالمتابعة المستمرة لهذه المكاتب

10- تابع اعلانات الوظائف اللى بتنزلها الوزارات المختلفة

11- متابعة اعلانات وظائف مكاتب السفريات للخارج